Японияга «Мавар» тўфони ёпирилди
Табиий офат туфайли миллиондан ортиқ одам эвакуация қилинди.
Ёнғин ва табиий офатларни назорат қилиш агентлиги Япония бўйлаб қарийб 1,3 миллион кишига яқинлашиб келаётган бўронга қарши эвакуация қилишни маслаҳат берди. Бу ҳақда Tengrinews “Dw.cоm”га таяниб хабар берди.
Бўрон жума куни Япониянинг айрим ҳудудларида кучли ёмғир келтириб чиқарди. Окинавада шамол соатига 90 километр тезликда эсган. Бунинг оқибатида саккиз киши жароҳатланди.
Нашр маълумотларига кўра, 300 дан ортиқ рейс ва 52 та паром бекор қилинган, шунингдек, бир қанча темирйўл линиялари вақтинча ёпилган.
