Евроиттифоқ Украинани қайта тиклашга ёрдам беради
Еврокомиссия раҳбари Лондонда Украина бош вазири билан учрашди.
Карл III'нинг тож кийиш маросими муносабати билан Лондонда бўлган Украина бош вазири Денис Шмихал Европа комиссияси президенти Урсула фон дер Ляен билан учрашди. Бу ҳақда комиссия президенти Твиттер'да маълум қилди.
Маълум қилинишича, суҳбат Украинанинг тикланиши ва Европа Иттифоқининг русларга қарши курашда кейинги ёрдами ҳақида бўлган.
"Бош вазир Денис Шмигал билан жуда самарали учрашув бўлди. Биз Украинани қайта тиклаш бўйича июнь ойида Лондонда бўлиб ўтадиган конференцияни ҳисобга олган ҳолда, Европа Иттифоқининг Украинани қайта қуриш бўйича қўллаб-қувватлашини муҳокама қилдик. Европа Иттифоқи Украинага ёрдам беришга содиқ қолади", — деб ёзган Еврокомиссия раҳбари.
