Европада қурол ишлаб чиқарувчилар маблағ етишмовчилигига дуч келмоқда
Уруш туфайли қуролларга талаб ошгани айтилмоқда.
Европадаги кичик ва ўрта мудофаа корхоналари уруш туфайли талаб ошганига қарамай, инновацияларни жорий этиш ва ишлаб чиқариш қувватларини кенгайтиришда молиявий муаммоларга дуч келмоқда.
Ўнлаб компания вакиллари, ҳукумат амалдорлари ва мудофаа соҳаси мутахассислари мазкур муаммони тасдиқлади. Улар Европа ҳукуматлари корхоналар учун молиялаштириш имкониятларини яхшилаш йўлларини топиши кераклигини билдиришди.
"Сўнгги пайтларда мудофаа ва хавфсизлик саноати дуч келган муаммоларнинг аксарияти ҳамон мавжуд ёки ҳатто кучайиб бормоқда", – дея таъкидлади Чехия Мудофаа саноати уюшмаси раиси Иржи Гинек.
Европа Комиссиясининг 2024 йилги ҳисоботига кўра, Европа Иттифоқи мудофаа секторидаги кичик ва ўрта корхоналар 1 миллиард евродан 2 миллиард еврогача бўлган қарз маблағлари тақчиллигига дуч келган.
