2021 йил 25 ноябрь куни Самарқанд шаҳри Бўстонсарой кўчасида хизмат олиб бораётган ЙПХ инспектори "Lacetti" русумли автомашинани ҳужжатларини текшириш мақсадида тўхтатган вақтида, ҳайдовчи машинани ҳужжатларсиз бошқариб юрганлиги аниқланган. Ҳайдовчи номига маъмурий баённома расмийлаштирилиб, автомашина жарима майдонига жойлаштирилган.
Орадан вақт ўтиб, ҳайдовчи автомашинасини жарима майдонидан чиқариб бериш эвазига инспекторга 100 АҚШ доллари таклиф қилган. Ходим унга пора бериш жиноят эканлигини бир неча маротаба тушунтирса-да, ҳайдовчи кечроқ келишини айтиб кетган.
Ҳолат юзасидан инспектор билдирги билан мурожаат қилган. Шундан сўнг, билдиргига асосан тезкор тадбир ўтказилган. Вазиятдан осон чиқиб кетмоқчи бўлган фуқаро 100 АҚШ доллари миқдордаги пулларни ЙПХ инспекторига берган вақтида тадбир иштирокчилари томонидан далилий ашёлар билан ушланган.
Мазкур ҳолат юзасидан Самарқанд шаҳар прокуратураси томонидан терговга қадар текшириш ҳаракатлари олиб борилмоқда.
Аввалроқ Тошкентда «Лаcетти» ҳайдовчиси ЙПХ ходимига бўйсунмасдан қочиб кетгани ҳамда йўл ҳаракати қоидаларини бузганлик учун жарималар қаерга тушиши ҳақида хабар берилганди.
Оламгир Абдиев