Зеленский БМТдан хафа

 

Украина президенти Влодимир Зеленский БМТ ва Қизил Хоч ташкилотини минтақада гуманитар фалокатга олиб келган Каховка ГЭСининг вайрон бўлишига ўз вақтида чора кўрилмагани учун кескин танқид қилди.

 

Bild газетасига берган интервьюсида ва кечки телемурожаатида Зеленский Украина Қизил Хочга ўз ходимларини табиий офат ҳудудига жўнатиш ҳақидаги сўровига аниқ жавоб олмаганини айтди.

 

"Россия Федерацияси содир этган портлаш туфайли Украинани дарҳол қўллаб-қувватлаган халқаро ташкилотларга жуда миннатдорчилик билдираман. Лекин бугун бундай экологик ҳалокатга олиб келган портлаш учун халқаро ташкилотларга миннатдорчилик билдира олмайман", — дея таъкидлади Зеленский.

 

Унинг сўзларига кўра, келиш сўровига жавобан Украина вакиллари “баъзилар мандат ҳақида, буни қилиш керакми ёки йўқми деган гапларни” эшитган.

 

Кечки телемурожаатида Зеленский халқаро ташкилотлар, жумладан, Халқаро Қизил Хоч қўмитаси “зудлик билан қутқарув операциясига қўшилганини ва Херсон вилоятининг Россия назоратида бўлган қисмидаги одамларга ёрдам берганини” таъкидлади.

 

"Инсонларнинг ҳаётини қандай сақлаб қолишни унутган халқаро ташкилотларнинг жазоси бор. Агар ҳозир бу фалокат зонасида халқаро ташкилот йўқ бўлса, демак у умуман йўқ, демак, у ўз вазифасини бажара олмаяпти”, дея қайд этади у.

 

"Зеленскийнинг таъкидлашича, Каховка ГЭСидаги авария натижасида одамлар аллақачон ҳалок бўлган. "Россия назоратидаги томонда одамлар, ҳайвонлар ўлган. Чўкиб кетган уйларнинг томидан одамлар энди чўкиб кетганларни инсонларни кўришмоқда", — деди Зеленский Bild газетасига берган интервьюсида.

 

Унинг сўзларига кўра, Украина расмийлари одамларни босиб олинган ҳудудлардан олиб чиқишга уринганда, рус қўшинлари ўт очиши мумкин.

 

Bild журналисти, шунингдек, Зеленскийдан Украинада айнан Россия Каховка ГЭСини портлатганига оид аниқ далиллар бор-йўқлигини сўради. Бунга жавобан Зеленский Украина расмийлари ўтган йили станция миналангани ва Россия назоратидаги ҳудудларга Украина қўшинлари кира бошласа портлаб кетиши мумкинлиги ҳақида огоҳлантирганини эслади.

 

"Қандай далилларга эга бўлишимиз мумкин? Илтимос, одамларимизни жойига қўйинг, биз далил топамиз. Яъни, бунинг аксини тасдиқловчи далил йўқ", — дея қўшимча қилди Зеленский.