Украина президенти Владимир Зеленский Россия билан музокараларни Қуддусда ўтказишни таклиф қилди. Бу ҳақда BBC хабар берди.
Якшанба куни Зеленский Исроил парламентида нутқ сўзлаганди. 21 март куни тонгда эълон қилинган видеомурожаатда эса Украина етакчиси Қуддусда музокара ўтказишни таклиф қилди.
“Исроил бош вазири, жаноб Беннет Россия билан музокаралар йўлини изламоқда. Биз Россия билан гаплашиш имконини берувчи ҳар бир ҳаракатдан миннатдормиз. Балки бу Қуддусда бўлар. Бу тинчлик қидириш учун яхши шаҳар”, – деган у.
12 март куни ҳам Зеленский Қуддусни Путин билан учрашиш учун таклиф қилганди.
Аввалроқ Зеленский россиялик ҳамкасби билан Туркияда музокара ўтказиши мумкинлиги тўғрисида хабар берилганди.