0
Зеленский Хитой ва Ҳиндистонни Украина хавфсизлиги кафолатчиси бўлишни таклиф қилди
Шу билан бирга у Путин билан исталган масалани муҳокама қилишга тайёрлигини айтган.
Хитой ва Ҳиндистон Украина хавфсизлик кафолатчиларига айланиши мумкин. Бу ҳақда Владимир Зеленский маълум қилди.
“Биз учун ҳозир хавфсизлик кафолатчилари масаласи муҳим. Биз Хитой ва Туркияга гарант-давлат бўлишни таклиф қилдик. Шунингдек, Ҳиндистоннинг бу мамлакатлар қаторига қўшилиш истаги бўлса, биз уни ҳам таклиф қиламиз. Ҳиндистон – дунёнинг ўта қудратли давлати”, – деган Украина етакчиси Ҳиндистоннинг Republic TV телеканалига берган интервьюсида.
Шу билан бирга у Путин билан учрашишга тайёрлигини яна бир бор таъкидлаган.
Аввалроқ Хитой ташқи ишлар вазири Украина инқирозининг асосий сабабини маълум қилганди.
