Ижтимоий тармоқларда Зомин тоғ-ўрмон давлат қўриқхонасидан айиқ қочиб кетганлиги ҳақида хабарлар тарқалмоқда. Ҳолат юзасидан Жиззах вилояти Экология, атроф-муҳитни муҳофаза қилиш ва иқлим ўзгариши бошқармаси расмий муносабат билдирди.
Қайд этилишича, Зомин давлат қўриқхонасида айиқлар табиий равишда яшайди. Қўриқхона ходимларининг сўзларига кўра, шу кеча-кундузда бу ҳудудда айиқнинг қочиб кетганлиги ҳолати кузатилмаган.
"Шундай экан, ижтимоий тармоқда тарқалган хабар ёлғон эканини маълум қилиб, аҳолидан ортиқча хавотирга тушмасликларини сўраб қоламиз", дейилади хабарда.