Qodirov Checheniston rahbari sayloviga yana o‘z nomzodini qo‘ydi
Chechenistonning amaldagi rahbari Ramzan Qodirov respublika rahbari saylovlarida qatnashish uchun o‘z nomzodini rasman ilgari surdi
Chechenistonning amaldagi rahbari Ramzan Qodirov respublika rahbari saylovlarida qatnashish uchun o‘z nomzodini rasman ilgari surdi. Bu haqda saylov komissiyasiga asoslanib, «RIA Novosti» xabar berdi.
Maʼlum qilinishicha, «Yagona Rossiya» partiyasining Chechenistondagi mintaqaviy bo‘limi 26 iyun kuni Qodirovni bo‘lajak saylovlarda mintaqa rahbari lavozimiga nomzod qilib ko‘rsatgan.
Saylov komissiyasining maʼlumotlariga ko‘ra, Checheniston rahbari lavozimiga nomzodlarni ko‘rsatish muddati 8 iyulda yakunlanadi, nomzodlar esa 4 avgust kuni soat 18:00 dan kechiktirmay saylov komissiyasiga ro‘yxatdan o‘tish uchun hujjatlarni topshirishlari talab etiladi.
