Mikrokreditbankda ham tijorat kreditlarini ajratish vaqtincha to‘xtatildi
“Mikrokreditbank” aksiyadorlik tijorat bankida muammoli kreditlar salmog‘i oshib ketgani bois tijorat kreditlari vaqtincha to‘xtatilganini maʼlum qilamiz.
Yaqin kunlarda qaytgan mablag‘lar hisobidan kreditlarni berish yo‘lga qo‘yiladi.
Davlat dasturlari doirasida amalga oshirilayotgan loyihalar uchun imtiyozli kreditlarga cheklovlar yo‘q. Eslatib o‘tamiz, bu yo‘nalishdagi kreditlar muammoli kreditlari ko‘p bo‘lmagan va kreditlar o‘z vaqtida qaytayotgan filiallar tomonidan ajratiladi.
Kredit olgan fuqarolardan imkon qadar kredit qarzdorliklarini o‘z vaqtida so‘ndirishlarini so‘rab qolamiz.
Biroz avvalroq, ''Xalqbanki'' ham tijorat kreditlarini ajratishni vaqtincha to'xtatganini ma'lum qilgan edik.
