AQSH razvedkasi Uxan laboratoriyasidagi 22 ming virus haqidagi genetik maʼlumotlarni qo‘lga kiritdi

 

Taʼkidlanishicha, AQSH razvedkasi Uxan laboratoriyasidagi 22 ming virus haqidagi maʼlumotlarga ega bo‘lgan va ularni o‘rgana boshlagan. Razvedka xodimlari bu maʼlumotlarni Xitoy tadqiqot instituti serverlarini buzish orqali olingani taxmin qilinmoqda.

 

Qayd etilishicha, olingan maʼlumotlar AQSH Energetika vazirligi laboratoriyalarida o‘rganiladi va tahlil qilinadi. Lekin bu ishni yakunlash va natijalarni maʼlum qilish muddati aniq emas.

 

Xabarlarga ko‘ra, virus haqidagi maʼlumotlarni o‘rganish, yozuvlar xitoy tilida bo‘lgani uchun murakkablashadi va rasmiylar bu tilni yaxshi biladigan ishonchli mutaxassislarni topishlari kerak bo‘ladi.

 

Eslatib o‘tamiz, AQSH Vakillar palatasi aʼzolari koronavirusning kelib chiqishi bo‘yicha tergov tafsilotlarini eʼlon qildi. Ushbu xulosaga ko‘ra, “COVID-19” Uxan virusologiya institutidan 2019 yil 12 sentyabrgacha bo‘lgan muddatda chiqib ketgan.

 

Nasiba To‘xtayeva