0
Jizzaxda yuk mashinasi yonib ketdi
Jizzax viloyatining Sharof Rashidov tumanida Volvo yuk mashinasi yonib ketdi.
Bu haqda viloyat FVB matbuot xizmati xabar berdi.
Maʼlum qilinishicha, ushbu tuman hududidan o‘tuvchi Toshkent—Termiz M-39 avtomagistral yo‘lining 989-kilometrida harakatlanib ketayotgan Volvo yuk mashinasida yong‘in sodir bo‘lgan.
Yong‘in joyiga Jizzax viloyati FVBning yong‘in-qutqaruv bo‘linmasi yetib kelgan va yong‘in soat 23:05 da bartaraf etilgan. Hodisa oqibatida yuk avtomobili va unga ortilgan qurilish materiallari yonib zararlangan. Jabrlanganlar yo‘q.
Aniqlanishicha, yong‘in yuk avtomobili shinasi yorilishi oqibatida yuzaga kelgan. Ko‘rilgan moddiy zarar miqdori aniqlanmoqda.
