Rossiyada o‘zbekistonlik erkak o‘g‘irlangan mashinada avtohalokatga uchradi
Rossiyaga ishlash maqsadida borgan o‘zbekistonlik erkak o‘g‘irlangan mashinada avtohalokatga uchradi.
Bu haqda “Fontanka” xabar berdi.
Maʼlum bo‘lishicha, Sankt-Peterburgda sodir bo‘lgan yo‘l-transport hodisasida o‘zbekistonlik erkak og‘ir jarohat olgan. Qayd etilishicha, 24 yoshli O‘zbekiston fuqarosi sankt-peterburglik 27 yoshli ayolga tegishli «Hyundai Solaris» avtomashinasida 44 yoshli ayol boshqaruvidagi «Hyundai Sonata» mashinasi bilan to‘qnashgan. U bosh suyagi va bosh miya ochiq choklari shikastlanishi tashxisi bilan kasalxonaga yotqizilgan.
“Solaris” egasidan esa mashinasi o‘g‘irlangani to‘g‘risida ariza kelib tushgan. U mashinasini o‘g‘irlab ketgan 24 yoshli O‘zbekiston fuqarosini javobgarlikka tortishni so‘ragan. Ichki ishlar vazirligining Sankt-Peterburg va Leningrad viloyati bosh boshqarmasi matbuot xizmati xabariga ko‘ra, Sankt-Peterburg politsiyasi o‘g‘irlangan mashina bilan sodir bo‘lgan baxtsiz hodisani tekshirmoqda.
