Xalqaro konferensiya: Yaqin Sharq masalalari muhokama qilindi
28 avgust kuni Iroqda Yaqin Sharq masalalariga bag‘ishlangan xalqaro konferensiya bo‘lib o‘tdi.
Bu haqda “ru.euronews.com” nashri xabar berdi.
Bag‘dod konferensiyasida ishtirok etish maqsadida Fransiya va Misr Prezidentlari, Qatar Amiri, Iordaniya Qiroli, Quvayt va BAA Bosh vazirlari, shuningdek, Turkiya, Saudiya Arabistoni va Eron TIV rahbarlari ishtirok etdi.
Konferensiya ochilish marosimida Iroq Bosh vaziri Mustafo al Kozimiy mamlakat hududini xalqaro va mintaqaviy nizolar maydoni bo‘lishiga yo‘l qo‘ymaslikka vaʼda berdi.
Oliy darajadagi uchrashuvlarda bir qancha muhim bayonotlar berildi. Jumladan, Fransiya Prezidenti AQSh Iroqdan ketish-ketmasligidan qatʼy nazar Fransiya o‘z qo‘shinlarini saqlab qolishini aytgan. Makron bundan ko‘zlangan maqsad —terrorizmga qarshi kurash ekanini taʼkidlagan.
Shuningdek, Qatar va Misr rahbarlari uchrashuvi tashkil etildi. Bu Ikki tomonlama munosabatlar yaxshilangandan buyon tashkil etilgan ilk muzokaralar bo‘ldi.
AQSh Prezidenti konferensiyaga yuksak baho berib, bu orqali mintaqaviy taranglikni yumshatish mumkin ekanligini qayd etdi.
