Axlat qutisidan yangi tug‘ilgan chaqaloq topildi
Bugun, 9-sentabr kuni Moskva shahrida turar-joy binolari oldidagi axlat qutisidan poliyetilen haltaga o‘ralgan holda yangi tug‘ilgan chaqaloq topildi. Bu haqda “Ria Novosti” xabar qildi.
Dastlabki maʼlumotlarga ko‘ra, qizchani ko‘cha supuruvchilari topib olgan. So‘ngra zudlik bilan tez yordam va ichki ishlar bo‘limiga xabar qilgan.
Tezkor surishtiruv natijasida tashlab ketilgan chaqaloqning onasi topilgan. U chaqaloq tashlab ketilgan uyda yashovchi 37 yoshli P.R. ekanligi maʼlum bo‘lgan. Aniqlanishicha, ayolning 15 yoshli yana bir qizi bor. Biroq ayol unga nisbatan ota-ona huquqlaridan mahrum qilingan.
Ushbu holat yuzasidan surishtiruv ishlari o‘tkazilmoqda. Shuningdek, ayolga nisbatan bolani o‘ldirishga urinish holati bo‘yicha jinoiy ish ochilgan.
Avvalroq, Kontrabandachilar tomonidan AQSH-Meksika chegarasida chaqaloq va 5 yoshli bolani tashlab ketishgani haqida xabar bergan edik.
Munojat Valiyeva
