Anchelotti David Luizni “Real”ga taklif qildi
Yaqinda Braziliyaning “Flamengo” klubiga o‘tgan David Luiz o‘z faoliyatini Ispaniya chempionatida davom ettirishi mumkin. Madridning “Real” klubi unga qiziqish bildirgan.
Qirollik klubi bosh murabbiyi Karlo Anchelotti barziliyalik David Luiz bilan shaxsan o‘zi gaplashgan. Klubda Yevropa Ittifoqiga aʼzo bo‘lmagan mamlakat futbolchilari uchun ajratilgan o‘rinlar to‘lib qolgani ushbu transferning amalga oshishida asosiy to‘siq bo‘lgan.
34 yoshli himoyachi Yevropada “Chelsi”, “PSJ” va “Arsenal” jamoalaridagi o‘yinlari bilan tanilgan. U, ayniqsa, “Chelsi”da muvaffaqiyatli o‘ynagan.
Maʼlumot uchun: Luiz o‘tgan hafta oxirida Braziliyaning “Flamengo” klubiga o‘tgan, tomonlar kelasi yilning so‘nggiga qadar shartnoma imzolagan edi.
Eslatib o‘tamiz, bundan avval Muhammad Saloh “Liverpul” afsonasi Stiven Jerrard rekordini takrorlagani haqida xabar bergan edik.
Maqsadjon Obidjonov
