“Nasaf” hindlarni 6-0 hisobida mag‘lub etib, keyingi bosqich yo‘llanmasini qo‘lga kiritdi
Bir necha daqiqa oldin OFK Kubogi doirasida hududlararo yarim final bahsidan o‘rin olgan “Nasaf” va Hindistonning «Mohun Bagan» uchrashuvi yakuniga yetdi.
Ushbu uchrashuvda “Nasaf” futbolchilari raqibga hech qanday imkoniyat qoldirmadi va 6-0 hisobida g‘alaba qozondi.
Qarshiliklar safida Norchayev xet-trik qayd etgan bo‘lsa, Bozorov va Narzullayev raqib darvozasiga bittadan gol yo‘lladi. Shuningdek, raqib futbolchisi Mehta o‘yinning dastlabki daqiqalarida avtogol muallifiga aylandi.
Mazkur natijadan keyin Qarshi klubi o‘z hududida final yo‘llanmasini qo‘lga kiritdi. Ular keyingi bosqichda Gongkongning «Li Man» jamoasi bilan bahs olib boradi.
Avvalroq “Nasaf”ning Hindiston klubiga qarshi o‘ynashi haqida xabar bergan edik.
Jamshid Amirov tayyorladi
