Shavkat Mirziyoyev namanganlik futbol muxlislari haqida fikr bildirdi
Bugun O‘zLiDеРdan prezidentlikka nomzod Shavkat Mirziyoyev namanganlik saylovchilar bilan uchrashuv chog‘ida viloyatda futbolga bo‘lgan e’tibor haqida ham alohida to‘xtalib o‘tdi. Xususan,
“Namangan ahlining futbolga bo‘lgan ashaddiy qiziqishini nafaqat mamlakatimizda, balki qo‘shni davlatlarda ham yaxshi bilishadi. “Navbahor”ning ishqibozlari Angliya, Italiya va Fransiya futbol fanatlaridan sira qolishmaydi. Namanganliklar Odil Ahmedov kabi isteʼdodli, vatanparvar futbolchini yetishtirib bergani bilan har qancha faxrlansa arziydi. O‘ylaymanki, viloyatning shahar va qishloqlarida uning izdoshlari yana ko‘plab topiladi. “Navbahor” futbol klubi bazasida. “Futbol akademiyasi”ni tashkil etib, Davlatobod tumanini sport shaharchasiga aylantirsak, nima deysizlar?!”, — degan taklifni bildirdi.
Avvalroq O‘FA kongressida Abdusalom Azizov va Ravshan Ermatov qayta saylangani va O‘zbekiston futbol terma jamoasining keyingi raqibi maʼlum bo‘lgani haqida xabar berilgandi.
Jamshidbek Amirov
