O‘zbekistonda 18 yoshdan katta aholining yarmidan ko‘pi 1-doza vaksinalarini oldi — SSV
2021-yil 30-sentabr holatiga ko‘ra, ommaviy emlanishi ko‘zda tutilgan aholining 53,6 foizi koronavirusga qarshi vaksinaning birinchi dozasi bilan emlandi. Bu haqda Sog‘liqni saqlash vazirligi axborot xizmati maʼlum qildi.
“O‘zbekistonda koronavirusga qarshi vaksinatsiya boshlanganiga yarim yil bo‘ldi. 2021 yil 30 sentyabr holatiga ko‘ra, yurtimizda emlanishi ko‘zda tutilgan aholining yarmidan ko‘pi, yaʼni 53,6 foizi koronavirusga qarshi birinchi doza vaksinalarini olib bo‘lgan”, — deyiladi xabarda.
Shu kunga qadar yurtimizda 1-doza vaksinalari bilan emlangan aholi soni 11 491 111 nafarga yetgan.
Maʼlumot uchun, yurtimizda emlanishi ko‘zda tutilgan 18 yoshdan katta aholi qariyb 21,5 million nafarni tashkil etadi.
"28 sentyabrdan O‘zbekiston Respublikasi Bosh davlat sanitariya vrachi va milliy texnik immunologik ekspert komissiyasining qaroriga asosan, yurtimizda ota-onalar va vasiylarining roziligi asosida, ixtiyoriy ravishda 12 yoshdan katta bolalarni Pfizer vaksinasi bilan emlash yo‘lga qo‘yilgan", - deyiladi SSV xabarida.
Avvalroq epidemik vaziyat barqarorligi aholisining vaksina olishdagi masʼuliyatini oshirish lozimligi hamda koronavirusga qarshi kurashish shtabi aʼzosi Nurmat Otabekov ishtirokida tashkil etilgan brifingda yurtimizdagi epidemiyalogik holatga munosabat bildirgani haqida xabar berilgandi.
