Saakashvili nima uchun Gruziyaga qaytgani maʼlum qilindi
Gruziya sobiq prezidenti Mixail Saakashvili mamlakatga davlat to‘ntarishi uyushtirish maqsadida kelgan. Bu haqda “Gruziya orzusi” partiyasi raisi Irakliy Kobaxidze maʼlum qildi.
“U mamlakatga o‘zining davlat to‘ntarishi haqidagi tahdidlarini amalga oshirish va Gruziyada beqarorlik o‘rnatish maqsadida kelgan. Shuning uchun huquqni muhofaza qilish organlari uning yangi jinoyatlarini oldini olish maqsadida chora ko‘rdi”, – degan siyosatchi.
Saakashvili 1 oktyabr kuni qamoqqa olingan. U Gruziyaga 8 yillik tanaffusdan so‘ng qaytib keldi. Sobiq prezident 2004-2013 yillarda mamlakatni boshqargan. Shundan keyin keyin u Ukraina fuqaroligini qabul qilgan va bir qancha lavozimlarda ishlagan.
Bundan avval Saakashvili ochlik eʼlon qilgani haqida xabar berilgandi.
Jahongir Qo'ziyev
