Abdulaziz Komilov Afg‘oniston tashqi ishlar vaziri bilan uchrashdi
O‘zbekiston Respublikasi tashqi ishlar vaziri Abdulaziz Komilov Afg‘oniston tashqi ishlar vaziri, “Tolibon” vakili Amirxon Mutaqqiy bilan uchrashdi .
Bu haqda Afg‘oniston tashqi ishlar vazirligi rasmiy vakili Abdulqodir Balxiy Twitter sahifasida maʼlum qildi.
Abdulaziz Komilov Kobuldagi holatga yuqori baho bergani aytilgan. Vazir Afg‘oniston tez orada xalqaro hamjamiyatda mustahkam o‘rin egallashiga umid bildirgan. Shuningdek, O‘zbekiston tranzit, energetika va savdodagi majburiyatlariga sodiq ekanligi taʼkidlangan.
Uchrashuv yakunida Amirxon Mutaqqiy O‘zbekistonga ko‘rsatilayotgan yordam uchun minnatdorchilik bildirgan. Abdulqahhor Balxiy Mozori-Sharif aeroportini taʼmirlashda O‘zbekiston tomoni yordam berganini qayd etdi.
Avvalroq Abdulaziz Komilov O‘zbekistonning Afg‘oniston bo‘yicha pozitsiyasini maʼlum qilgandi.
Jahongir Qo'ziyev
