Habib Nurmagomedov qaysi jangini yaxshi ko‘rib eslaydi?
Sobiq UFC chempioni Habib Nurmagomedov eng yaxshi ko‘rgan jangi qaysi ekanini aytdi:
“Mening yaxshi ko‘rgan jangim, bu — oxirgi jangim. Agar mashg‘ulotlar lageri, vazn tashlash, jang, undan so‘nggi voqealar haqida gapiradigan bo‘lsak, men uchun juda og‘ir kunlar bo‘lgan. Ammo bu sinovlarning hammasini qadamba-qadam bosib o‘tkanman... Darhaqiqat, Konor bilan bo‘lgan jang UFC tarixi, umuman, MMA olamidagi eng katta janglardan biri sanaladi. Menga Jastin Getji bilan jangim ko‘proq yoqadi. U haqiqiy davogar, jiddiy xavf, vaqtinchalik chempion edi. Ko‘pchilik u men uchun juda qiyin sinov bo‘lishini aytgan. Otam bilan yuz bergan voqeadan keyin tayyorgarligim juda yomon edi. Bir nechta jarohatim bor, barmog‘im singan, kasalxonaga yotib chiqqandim. Bularning hammasini yengib o‘tdim. Shu bois, bu jang va unga tayyorgarlik jarayoni men uchun eng sevimlisi bo‘ldi”.
Maʼlumot o‘rnida: Habib Nurmagomedov va Jastin Getje o‘rtasidagi jang 2020-yil 24-oktabr kuni bo‘lib o‘tgandi. Unda rossiyalik sportchi raqibi ustidan muddatidan oldin g‘alaba qozondi. Bu Nurmagomedovning UFC dagi so‘nggi janggi edi.
Avvalroq Jon Jons alkogoldan butkul voz kechgani va Konor Makgregorning do‘sti AQSHda hibsga olingani haqida xabar berilgandi.
Jamshidbek Amirov
