Rossiyada o‘zbekistonlik fuqarolar nomaʼlum moddadan zaharlandi
Rossiya poytaxti Moskvada joylashgan migrantlar uchun mo‘ljallangan yotoqxonada bir nechta migrant noodatiy sharoitda zaharlandi. Bu haqda “Mash” xabar berdi.
Maʼlum qilinishicha, hodisa oqibatida 1 kishi vafot etgan, 3 kishi kasalxonaga yotqizilgan. Taʼkidlanishicha, хostel egasiga migrantlarning o‘zini yomon his qilayotgani haqida o‘sha yerda yashovchilardan biri maʼlum qilgan. Shundan so‘ng ma'muriyat egasi voqea joyiga yetib kelgan. Eshik qo‘ng‘irog‘i bosilganda, hech kim ochmagan. Oqibatda, eshikni buzib, ichkariga kirishgan.
Xonada o‘zbekistonlik fuqarolar hushsiz holatda topilgan. Voqea joyiga yetib kelgan tez yordam mashinasi 3 kishini qutqarishga muvaffaq bo‘lgan. Аmmo 1 kishini qutqarib qolishning imkoni bo‘lmagan. Kasalxonaga yotqizilgan 3 nafar fuqarolarning ahvoli og‘irligi aytilmoqda.
Qayd etilishicha, voqea sodir bo‘lgan xonadonda zaharlanish bilan bog‘liq hoaltlarga dalil bo‘ladigan biror bir buyum topilmagan.
Avvalroq Germaniyada 7 kishi nomaʼlum moddadan zaharlangani va Tolyattidagi xostelda 23 nafar O‘zbekiston fuqarosi zaharlangani haqida xabar berilgandi.
Cho‘lponoy Ahmedova
