Turkiyada bir guruh shaxslar josuslikda ayblanib qamoqqa olindi. Ularning yonidan Rossiya pasportlari topilgan
Turkiyada olti kishi josuslikda ayblanib qamoqqa olindi. Bu haqda CNN Turk telekanali xabar berdi.
Ularning barchasi chet el fuqarosi bo‘lgan. Turkiya maxsus xizmatlari bu borada Istanbul va Antaliyada tezkor tadbirlar olib borgan. Qo‘lga olinganlarning millati oshkor qilinmagan.
Ammo CNN Turk ular Rossiya pasportlari va qurollariga ega bo‘lganini maʼlum qildi. Lekin bu hujjatlarning haqiqiy yoki soxtaligi hali maʼlum emas. Xabarda aytilishicha, qo‘lga olinganlar Turkiyaga kirishi bilan nazorat ostiga olingan. Shuningdek, ular chet elliklarga hujum qilishni rejalashtirgan.
Bundan avval Rossiyada Ukraina foydasiga josuslik qilgan O‘zbekiston fuqarosi qo‘lga olingani hamda AQSHning o‘nlab josuslarini chet el maxsus xizmatlari yo‘q qilgani xabar qilingandi.
Jahongir Qo'ziyev
