“Bayer” va “Lion” Azmunni qo‘lga kiritmoqchi
“Bayer” va “Lion” klublari “Zenit” hujumchisi Serdar Azmunni erkin agent sifatida qo‘lga kiritish bo‘yicha dastlabki muzokaralarni boshladi.
Xabarlarga ko‘ra, ikkala jamoa ham hujumchini yozda, Sankt-Peterburg klubi bilan shartnomasi tugaganidan so‘ng o‘z safiga qo‘shishni xohlamoqda.
Joriy mavsum Serdar Azmun “Zenit” safida 12 ta o‘yinda maydonga tushib, 6 ta gol va 1 ta golli uzatmani amalga oshirdi. Hujumchining Sankt -Peterburg klubi bilan amaldagi shartnomasi 2022 yilning 30 iyuniga qadar tuzilgan. Transfermarkt internet portali eronlik futbolchining narxini 25 million yevroga baholamoqda.
Sankt-Peterburgning “Zenit” klubi ayni damda Rossiya chempionatida 10-turdan keyin 23 ochko to‘plagan holda turnir jadvalida 1-o‘rinni egallab turibdi.
Avvalroq, Iskoning “Lion”ga o‘tishi taxmin qilinayotgani va Levandovski yangi rekord o‘rnatgani haqida xabar berilgandi.
Jamshidbek Amirov
