Britaniya maxsus xizmatlari Rossiyani AstraZeneca tarkibini o‘g‘irlashda aybladi
Britaniya maxsus xizmatlari Rossiyani AstraZeneca vaksinasi tarkibini o‘g‘irlashda ayblamoqda. Bu haqda "The Sun" xabar berdi.
Razvedka maʼlumotlariga ko‘ra, ularda vaksina o‘g‘irlanishiga doir dalillar bor. Ular rossiyalik olimlar Oksford vaksinasini ishlab chiqarishda qo‘llaniladigan texnologiyalarni “Sputnik -V”ni tayyorlashda foydalanganini maʼlum qildi.
Baʼzi taxminlarga ko‘ra, vaksina tarkibi maxsus josuslar tomonidan qo‘lga kiritilgan. Maxsus xizmatlar AQSH, Kanada va Buyuk Britaniyada Covid-19 ga qarshi vaksina ishlab chiqaradigan kompaniyalarga Moskva tomonidan moliyalashtiriladigan hakerlar hujum qilganiga “95 foiz amin” ekanini maʼlum qildi. Buyuk Britaniya parlamenti aʼzosi Bob Sili Rossiya va Xitoy razvedkalari hatti-harakatlariga jiddiy eʼtibor berish zarurligini taʼkidladi.
Bundan avval koronavirus Xitoyda 2019 yildayoq tarqalib ketgan bo‘lishi mumkinligi hamda Rossiya hakerlari AQSH hukumatiga kiberhujum uyushtirishga harakat qilayotgani xabar qilingandi.
Jahongir Qo'ziyev
