Россия хакерлари АҚШ ҳукуматига киберҳужум уюштиришга ҳаракат қилмоқда — CNN
CNN телеканали россиялик хакерларни бир қанча давлатлар ҳукуматлари тармоқларига киберҳужумда айблади. Телеканал бу хабарни киберхавфсизлик бўйича экспертлар хулосасига асосланиб тарқатганини иддао қилмоқда.
"Ушбу гуруҳ бир қанча ҳукумат тузилмалари учун таҳдидни юзага келтирди. Бу тузилмалар ташқи сиёсий фаолият, шунингдек, технологиялар етказиб бериш билан шуғулланади", — деган киберхавфсизлик соҳасидаги “Mandiant” компанияси раҳбарларидан бири.
CNN бу хакерлар 2020 йил АҚШ ҳукумати идораларига киберҳужум уюштирган гуруҳ аъзолари ҳисобланади. Телеканалнинг ҳукуматдаги манбаси АҚШ расмийлари рус хакерлари фаоллигини доимий кузатиб келаётганини айтган. "Бу масала Оқ Уйда бўлиб ўтган миллий хавфсизлик кенгаши йиғилишида кўтарилган", — деган у.
АҚШ доимий равишда Россияни киберҳужумларда айблаб келади. Москва ўз навбатида бу айбловларни рад этмоқда.
Бундан аввал Facebook фаолиятида узилиш рўй бергани ҳамда Буюк Британия ўзига зарар етказган давлатларга қарши киберҳужумлар уюштириши хабар қилинганди.
Жаҳонгир Қўзиев
