Yakkasaroy tumanida “Lacetti” yonib ketdi
Joriy yilning 10 oktyabr kuni soat 21:00 da, Toshkent shahar, Yakkasaroy tumani, "Shota Rustaveli" ko‘chasida haydovchi "Lacetti" rusumli avtomobilda harakatlanayotib ushbu ko‘chada joylashgan "Anjir" restorani ro‘parasiga yetgan vaqtida boshqaruvni yo‘qotgan va yo‘l o‘rtasidagi yoritish chirog‘i ustuniga urilgan.
To‘qnashuv oqibatida avtomobilda yong‘in yuzaga kelgan. Voqea joyiga o‘t o‘chiruvchilar brigadasi chaqirilgan va yong‘in bartaraf qilingan. Hodisa natijasida haydovchi va bir nafar yo‘lovchi vafot etgan. 2 nafar yo‘lovchilar og‘ir tan jarohatlar bilan shifoxonaga yotqizilgan.
Holat yuzasidan Toshkent shahar IIBB huzuridagi TB va YHXB xodimlari tomonidan dastlabki surishtiruv harakatlari olib borilmoqda.
Avvalroq Jizzaxda “Hyundai” va "Kamaz" ishtirokidagi YTH oqibatida haydovchilardan biri halok bo‘lgani hamda Yunusobod tumanida 3ta avtomobil ishtirokida YTH sodir bo‘lgani haqida xabar bergan edik.
Munojat Valiyeva
