O‘zbekiston — Iordaniya: 9 g‘alaba, 4 durang, 1 mag‘lubiyat
Bugun Iordaniya davlatida yig‘in o‘tkazayotgan Srechko Katanes boshchiligidagi O‘zbekiston futbol terma jamoasi Iordaniyaga qarshi o‘rtoqlik uchrashuvida maydonga tushadi.
Shu kunga qadar O‘zbekiston terma jamoasi Iordaniya bilan 14 marotaba to‘qnash kelgan. Shundan 9 tasida terma jamoamiz g‘alaba qozongan bo‘lsa, bitta o‘yinda Iordaniya ustunlik qilgan. 4 ta bahsda esa durang natija qayd etilgan. Oxirgi marta jamoalar shu yilning fevral oyida o‘zaro o‘rtoqlik uchrashuvida maydonga tushgan edi. Unda O‘zbekiston termasi 2:0 hisobida ustun kelgan.
Eslatib o‘tamiz, jamoamiz 9-oktabr kuni mazkur yig‘in doirasida Malayziya jamoasini 5:1 hisobida mag‘lub etgandi.
Avvalroq “Neftchi” uch yillik tanaffusdan so‘ng yana Superligaga qaytgani va Bekobodda “Real Madrid” futbol akademiyasi ochilgani haqida xabar berilgandi.
Jamshidbek Amirov
