2021 yil Facebook, Google, Yandex, Apple O‘zbekistonga qancha soliq to‘ladi?
Facebook, Google, Apple va boshqa xorijiy kompaniyalar O‘zbekistonga soliq to‘ladi. Bu haqda “Spot.uz” Davlat soliq qo‘mitasi maʼlumotlariga tayanib xabar tarqatdi.
Unda aytilishicha, uchta yirik xorijiy kompaniyaning o‘zi O‘zbekiston g‘aznasiga jami 14 milliard so‘mdan ortiq soliq to‘lagan.
Maʼlumotlarga ko‘ra, o‘tgan sentyabr oyida davlat g‘aznasiga Facebook - 7,6 milliard, Google - 4,6 milliard, Apple - 2,2 milliard, Netflix - 331 million, Yandex - 256 million so‘m o‘tkazgan.
Shuni taʼkidlash kerakki, 2020 yilning boshidan buyon O‘zbekistonda sotish joyi bo‘lgan kompaniyalar o‘z xizmat va tovarlarini elektron shaklda sotsa ham soliq to‘lovchilar deb yuritilishi shart etib belgilangan.
Davlat soliq qo‘mitasi shuni hisobga olgan holda O‘zbekistonda faoliyat yuritayotgan xorijiy Internet kompaniyalarga ro‘yxatdan o‘tishga va soliq to‘lashni boshlashga imkon beradigan QQS bo‘yicha ofis yaratgan.
O‘tgan ikki yil mobaynida O‘zbekistonda doimiy vakolatxona ochmasdan jismoniy shaxslarga elektron xizmat ko‘rsatuvchi 28 ta xorijiy kompaniya soliq organlaridan ro‘yxatdan o‘tgan. Ular orasida “Booking.com”, “Netflix International”, “Apple”, “Facebook”, “Yandex”, “Huawei” va boshqalar bor.
Bundan avval O‘zbekistonning yarim yillik daromadlari miqdori maʼlum qilingani, soliq to‘lashdan bo‘yin tovlagan shaxs javobgarlikka tortilishi hamda raqamli iqtisodiyot sohasidagi qator hujjatlarga o‘zgartirish kiritilgani haqida xabar berilgandi.
Olamgir Abdiyev
