Termiz shahrida bezorilik qilgan shaxsga jinoyat ishi qo‘zg‘atildi
Termiz shahrida ikki fuqaro o‘zaro janjallashish oqibatida biri ikkinchisiga tig‘li jism bilan tan jarohat yetkazdi.
Bu haqda Surxondaryo viloyati IIB xabar berdi.
Aniqlanishicha shaharning “Navro‘z” mahallasida yashovchi D.D. o‘z boshqaruvidagi “Spark” rusumli avtoulov bilan shaharning “Guliston” mahallasida joylashgan Toshkent davlat pedagogika instituti filiali binosi yaqinida “Сobalt” rusumli avtoulov ichida o‘tirgan K.O. dan mashinasini chetga olishini so‘ragan. Tushunmovchilik natijasida yigitlar o‘rtasida o‘zaro janjal kelib chiqqan. G‘azabini jilovlay olmagan K.О. avtoulov ichidagi tig‘li jism bilan D.D.ga tan jarohati yetkazgan.
D. zudlik bilak shifoxonaga yotqizilgan. K.O.ga nisbatan Jinoyat kodeksining 277-moddasi 2-qismi "v" bilan jinoyat ishi qo‘zg‘atilgan.
Bundan avval, Andijonda voyaga yetmagan shaxs uch tengdoshini pichoqlagani hamda Qarshida IIO xodimlarining qo‘lini tishlab, bezorilik sodir etgan fuqarolarga nisbatan jinoyat ishi qo‘zg‘atilgani haqida xabar berilgandi.
Munojat Valiyeva
