Shavkat Mirziyoyev: Yangi tariximizda ilk bor og‘ir atletika bo‘yicha jahon chempionatiga Toshkent shahri mezbonlik qiladi
O'zLiDePdan O‘zbekiston Respublikasi Prezidentligiga nomzod Shavkat Mirziyoyev Toshkent shahri saylovchilari bilan uchrashuvda joriy yilning dekabr oyida poytaxtimiz ilk bor og‘ir atletika bo‘yicha jahon chempionatiga mezbonlik qilishini taʼkidladi:
“Osiyo va jahon chempionatlarini o‘zimizda o‘tkazish bo‘yicha boshlangan ishlarimizni davom ettirib, Toshkent shahrida 2024 yilgacha Olimpiya shaharchasi quriladi. Kelgusi yilda Shayxontohurda 2,5 ming tomoshabinga mo‘ljallangan zamonaviy muz saroyi ishga tushiriladi. Yangihayot tumanida yoshlarning muntazam sport bilan shug‘ullanishiga sharoit yaratish maqsadida jami quvvati 2,5 ming o‘rinli universal sport kompleksi barpo etiladi. Yangi tariximizda ilk bor shu yil dekabr oyida og‘ir atletika bo‘yicha jahon chempionatiga Toshkent shahri mezbonlik qiladi. 2022 yilda dzyudo, 2023 yilda boks bo‘yicha jahon chempionatlari, 2025 yilda Yoshlar o‘rtasidagi Osiyo o‘yinlari ham aynan poytaxtimizda o‘tkaziladi”, – dedi Shavkat Mirziyoyev.
Avvalroq Shavkat Mirziyoyev namanganlik futbol muxlislari haqida fikr bildirgani bo‘yicha xabar berilgandi.
Jamshidbek Amirov
