Trampdan “syurpriz”: sobiq prezident shaxsiy ijtimoiy tarmog‘i yaratilganini eʼlon qildi
AQSHning sobiq prezidenti Donald Tramp yangi ijtimoiy tarmoq yaratilganini maʼlum qildi. Bu haqda ABS News xabar berdi.
Trampning so‘zlariga ko‘ra, bu yirik ijtimoiy tarmoqlarning “tiraniyasi”ga qarshi kurash uchun yaratilgan. Shuningdek, bu “liberal OAVlarning raqobatchisiga aylanadi”. “Biz “Tolibon” Twitter da faol bo‘lgan va sizning sevimli prezidentingizning ovozi o‘chishiga majbur bo‘layotgan davrda yashayapmiz. Bu maqbul emas”, – degan sobiq prezident.
Qayd etilishicha, Truth Social‘ning beta versiyasi shu yilning noyabridan boshlab yuklab olish mumkin.
Maʼlumot o‘rnida: Donald Trampning Facebook akkaunti ikki yilga bloklab qo‘yilgan. Ammo uning o‘zi ushbu tarmoqqa qaytish niyati yo‘qligini maʼlum qilgan.
Avvalroq Tramp Baydenni "Shimoliy oqim-2" gaz quvuri ishga tushirilishida ayblagani hamda Baydenni isteʼfoga chiqishini talab qilgani xabar qilingandi.
Jahongir Qo'ziyev
