JSST koronavirusga qarshi qo'llash uchun Hindiston vaksinasini tasdiqladi
CovavaxTM deb nomlangan vaksina, asosan, kam daromadli mamlakatlarga yuboriladi.
Jahon sog‘liqni saqlash tashkiloti Amerikaning Novavax kompaniyasi litsenziyasi asosida Hindistonda ishlab chiqarilgan CovavaxTM deb nomlangan COVID-19 vaksinasidan favqulodda foydalanishga ruxsat berdi, deb xabar bermoqda Associated Press.
Preparatning afzalliklaridan biri uni oddiy sharoitda saqlash mumkinligidadir. To'liq emlash bosqichini yakunlash uchun vaksinaning ikki dozasi olish kerak.
Preparat yangi "Omicron" shtammiga qarshi kurashda qanchalik yordam berishi mumkinligi hozircha so'roq ostida.
Vaksina kam daromadli mamlakatlarda, jumladan, JSSTning COVAX dasturi orqali emlash darajasini oshirishga yordam berishi kutilmoqda.
CovavaxTM JSST tomonidan tasdiqlangan toʻqqizinchi COVID-19 vaksinasi hisoblanadi.
Avvalroq Hindistonda soxta vaksina bilan emlagan shifokorlar qo‘lga olingani xabar qilingandi. Shuningdek, JSST tomonidan COVID-19 pandemiyasi 2022 yil so‘nggiga qadar cho‘zilishi haqida ma’lum qilingan.
Nasiba To'xtayeva
