Istanbulda 2 nafar o‘zbekistonlik ayol tom bosib qolishi oqibatida vafot etdi
Ularning bir nafari 1984 yilda Surxondaryo viloyatida tavallud topgan.
Joriy yilning 29-noyabr kuni ijtimoiy tarmoqlarda Istanbulda sodir bo‘lgan kuchli shamol natijasida ko‘p qavatli uylardan birining tom qismida yashayotgan o‘zbek oilasining 3 aʼzosini tom bosib qolgani haqida xabarlar tarqalgan edi. Ko‘p qavatli uyning tom qismi qulashiga kuchli shamol sabab bo‘lgan.
Maʼlum bo‘lishicha, jabrlanganlarning bir nafari voqea joyida, yana biri olgan tan jarohatlari sabab komaga tushib qolgan va 21 dekabr kuni hayotdan ko‘z yumgan. Baxtsiz hodisa tufayli halok bo‘lganlarning har ikkisi ham o‘zbekistonlik ayollar bo‘lgan.
Eslatib o‘tamiz, avvalroq Rossiyada O‘zbekiston fuqarolari nomaʼlum moddadan zaharlanib, vafot etgani va ularning shaxsiga aniqlik kiritilgani haqida xabar berilgandi.
