Draksler “PSJ” uchun keraksiz futbolchiga aylandi
“PSJ”ning hujumkor yarim himoyachisi Yulian Draksler kelasi yozda jamoasini o‘zgartirishi mumkin.
“Barselona” 28 yoshli germaniyalik pleymeykerning xizmatlariga qiziqish bildirmoqda. Bu haqda nashri “El Nacional” xabar berdi.
Unga ko‘ra, kelishuv 15 million yevroni tashkil qilishi mumkin. “PSJ” Drakslerning ketishiga qarshi emas. Chunki jamoaning murabbiylar shtabi uni asosiy futbolchi sifatida ko‘rmaydi. Hozirda Yulian Kataloniya klubi uchun ustuvor variantlardan biri bo‘lib qolmoqda.
Eslatib o‘tamiz, Draksler 2017-yilning yanvarida “Volfsburg” klubidan “PSJ” safiga o‘tgan edi. Joriy mavsumda Yulian parijliklar safida barcha turnirlarda 14 ta o‘yin o‘tkazib, ikkita gol urdi va shuncha golli uzatmani amalga oshirdi.
Maʼlumot o‘rnida: transfermarkt internet portali nemis futbolchisining transfer narxini 20 million yevroga baholagan.
Avvalroq, “PSJ” prezidenti Neymarni “Barsa”ga taklif qilgani va “Barselona” Dembele bilan shartnomani uzaytirmasligi haqida xabar berilgandi.
Jamshidbek Amirov
