Habib Nurmagomedov O‘zbekistonda ish boshlaydi
Sobiq UFC chempioni Habib Nurmagomedov restoran biznesi bilan shug‘ullanmoqchi.
U “M-eat by Khabib” fast-fud restoranlar tarmog‘ini O‘zbekistonda ishga tushiradi.
Maʼlumot o‘rnida, rossiyalik sobiq jangchining birinchi restorani Moskvada ochilgan. 2023 yil oxirigacha kompaniya 5 ta davlat – Qozog‘iston, O‘zbekiston, Qirg‘iziston, Turkiya va Birlashgan Arab Amirliklarida 150 ta punktni ishga tushirishni rejalashtirmoqda. Restoran tarmoqlarini ishga tushirish 360–550 ming dollarga baholanmoqda.
Bundan tashqari, Xabib Nurmagomedovning “Eagle FS” nomli shaxsiy UFC promousheni ham bor. U ushbu promoushenni ham UFC singari dunyoga mashhur qilmoqchi. Buning uchun Nurmagomedov juda katta sarmoya kiritmoqda.
Avvalroq, Habib Nurmagomedov koronavirusga chalingani haqida xabar berilgandi.
Jamshidbek Amirov
