“Tolibon” jurnalist uchun so‘nggi najotmi?
Hamma Afg‘onistondan qochayotgan bir paytda Yangi zelandiyalik jurnalist Sharlotta Bellis mamlakatga qaytib keldi.
Uni Kobulga kelishga nima majbur qilgan?
Bellis Qatarda, “Al Jazeera” telekanalida ishlagan. U va uning qallig‘i The New York Times gazetasi fotografi bo‘lgan Jim ham Afg‘onistonda Afg‘oniston yo‘nalishida faoliyat olib borgan. Bellis Qatarga kelgach, homilador ekanini bilib qoladi. Qatarda oila qurmasdan homilador bo‘lish jinoiy javobgarlikka sabab bo‘lishi mumkin. Buni anglagan jurnalist mamlakatdan chiqib ketishga qaror qildi.
Ammo u Yangi Zelandiyaga karantin cheklovlari tufayli qayta olmasdi. Shu sababli Belgiyaga ketadi. Ammo bu yerda ham viza bilan bog‘liq muammolar tufayli uzoq tura olmaydi. Bellisda mavjud yagona viza Afg‘onistonga tegishli edi. U “Tolibon”dan mamlakatga kelishga ruxsat so‘raydi. Harakat bunga izn beradi va jurnalist xavfsizligini taʼminlashni vaʼda qildi.
Shunday bo‘lsa-da, Bellis Afg‘onistonda farzandini dunyoga keltirishdan qo‘rqmoqda. U mamlakatdagi tibbiyot o‘zi va bola salomatligini taʼminlashga yetmaydi, deb hisoblayapti. Bellis Yangi Zelandiyaga qaytish uchun 59 marta murojaat yo‘llagan, ammo hozircha qaytishga ruxsat yo‘q.
