4 kundan so‘ng o‘quv muassasalari an’anaviy ta’limga qaytadi
Nima uchun onlayn o‘qish davri qisqargani yuzasidan SSV ma’lumot berdi.
Respublika maxsus komissiyasi qaroriga muvofiq, 7 fevraldan boshlab umumta’lim maktablari, professional, kasb-hunar ta’lim va oliy ta’lim muassasalari, akademik liseylar hamda nodavlat ta’lim tashkilotlarida o‘quv jarayoni an’anaviy shaklga o‘tkaziladi.
Shuningdek, xalqaro tajribadan kelib chiqib, koronavirus infeksiyasining “Omicron” shtammining yashirin davri qisqaligini inobatga olib, koronavirus infeksiyasi tasdiqlangan bemor bilan muloqotda bo‘lgan shaxslarning karantin muddati 14 kundan 7 kungacha qisqartiriladi.
Sog‘likni saqlash vazirligi ma’lumotiga ko‘ra, mamlakatda koronavirusning tarqalganlik darajasi 0,8 ni tashkil etmoqda. JSST ekspertlari bu ko‘rsatkich 1,0 gacha bo‘lsa, vaziyat barqarorligini anglatishi haqida ma’lum qilishgandi.
