0
Mag‘lubiyatdan keyin ham oliyjanob bo‘lish kerak – NATO qo‘mondoni
General Richards “Tolibon”ni tan olishga chaqirdi.
NATO generali lord Devid Richards “Tolibon” hukumatini tan olish kerakligini ma’lum qildi.
Uning fikricha, Gʻarb Afg‘onistondagi mag‘lubiyatini tan olishi zarur. U toliblar bilan birgalikda ishlashni taklif qilgan, bu mamlakatdagi ommaviy ochlikni to‘xtatishga imkon beradi.
Uning fikricha, Yevropa va AQSH oxir-oqibat “Tolibon” hukumatini tan oladi. Shu sababli, buni kech bo‘lmasdan hozirning o‘zidayoq amalga oshirilishi zarur.
“Nafaqat g‘alabadan, balki mag‘lubiyatdan keyin ham oliyjanoblikni namoyish etish kerak”, – degan Richards.
Avvalroq Afg‘onistonga 400 million dollardan ortiq yordam ajratilgani haqida xabar berilgandi.
Jahongir Qo'ziyev
