Pokiston Afg‘oniston bo‘yicha yangi muzokaralar o‘tkazmoqchi
Unga xalqaro terrorchi ham taklif qilinishi mumkin.
Pokiston Afg‘oniston bo‘yicha yangi formatdagi muzokaralar o‘tkazmoqchi. Bu haqda “Sputnik Afganistan” xabar berdi.
Pokiston TIV rahbari Shoh Mahmud Qurayshiyning so‘zlariga ko‘ra, ushbu format Pokiston, Xitoy va “Tolibon” ishtirokida bo‘ladi. Shu bilan birga Pekinda Afg‘oniston qo‘shnilari ishtirokida yangi uchrashuv tashkil etiladi.
Eʼtiborli tomoni, Pekindagi sammitga Afg‘oniston ichki ishlar vaziri vazifasini bajaruvchi Sirojiddin Haqqoniyni ham taklif qilish rejalashtirilmoqda.
O‘z navbatida u “Haqqoniy tizimi” xalqaro terrorchilik tashkiloti rahbari bo‘lib, AQSH Haqqoniy qo‘lga olinishiga yordam beradigan maʼlumotlar uchun 10 million dollar vaʼda qilgan.
Eslatib o‘tamiz, avvalroq AQSHning Afg‘onistondan o‘z fuqarolarini evakuatsiya qilish borasida aniq rejasi bo‘lmagani haqida xabar berilgandi.
Jahongir Qo‘ziyev
