AQSH bilan Xitoy o‘rtasida ochiq qarama-qarshilik shakllanishi mumkin — Van I
Xitoy bosh diplomati AQSH davlat kotibi bilan telefonda muzokaralar o‘tkazdi.
AQSHning Hind-Tinch okeani mintaqasidagi yangi siyosati Xitoyga ochiqchasiga chaqiriq tashlamoqda. Bu haqda Xitoy tashqi ishlar vaziri Van I AQSH davlat kotibi Entoni Blinken bilan telefon muloqoti paytida maʼlum qildi.
“Yaqinda Amerika tomoni Hind-Tinch okeani bo‘yicha yangi strategiyasini eʼlon qildi. Unda Xitoy ochiqchasiga mintaqadagi eng katta xavf sifatida ko‘rsatilgan. Bundan tashqari, Tayvan orqali Xitoyni tiyib turish strategiyasi Pekinni kuchsizlantirish bo‘yicha yolg‘on signal hisoblanadi”, – degan diplomat.
Xitoy TIV rahbari Xitoy-Amerika munosabatlarida oldinga siljish uchun ikki davlat rahbarlari erishgan konsesusni amalga oshirish kerak. Shu bilan birga u Pekin tomoni kelishmovchiliklarni tartibga solishga tayyorligini maʼlum qilgan.
Van I AQSHning ayrim rasmiylari tomonidan Xitoy bilan uzoq muddat qattiq raqobat olib borish to‘g‘risidagi takliflari konfrontatsiyaga olib kelishi mumkinligidan ogohlantirgan.
Eslatib o‘tamiz, avvalroq Xitoy mudofaa vazirligi AQSH bilan Tayvan masalasida kelishuvga erishib bo‘lmasligini aytgandi.
