Ukraina uchun ibodat qilaman — Bayden
AQSH prezidenti Ukrainadagi vaziyat yuzasidan bayonot berdi.
Putin ko‘plab qurbonlarga sabab bo‘ladigan urush yo‘lini tanladi. Bu haqda AQSH rahbari Jozef Bayden maʼlum qildi.
"Ushbu hujum oqibatida beriladigan qurbonlar va vayronkorlik uchun Rossiya javobgar bo‘ladi. AQSH, uning hamkorlari va ittifoqchilari yagona va qatʼiy javob beradi. Dunyo Rossiyani javobgarlikka tortadi", — degan u. Shuningdek, u Ukraina atrofidagi voqealarni diqqat bilan kuzatib borishini maʼlum qilgan. Shu bilan birga Oq uy rahbari payshanba kuni amerikaliklarga murojaat qilmoqchi.
"Bugun men va Jill (Baydenning rafiqasi) Ukrainaning mard va mag‘rur xalqi uchun ibodat qilamiz",– deb qo‘shimcha qilgan prezident.
Eslatib o‘tamiz, avvalroq Putin Donbassda maxsus operatsiya boshlanganini eʼlon qilgandi.
