Konor Makgregor navbatdagi jangi qachonligini aytdi
U jang haqiqiy shouga aylanishiga ishonch bildirdi.
Ikki vazn toifasida sobiq UFC chempioni, irlandiyalik Konor Makgregor qachon oktagonga qaytishini ma'lum qildi.
“Keyingi jangimni iyul oyiga rejalashtiryapman. Biroq aniq ayta olmayman. Hozirda tayyorgarlik mashg‘ulotlarini olib boryapman. Shunga aminmanki, yozda bo‘ladigan jang haqiqiy shouga aylanadi”, — dedi Makgregor.
Eslatib o‘tamiz, Makgregor so‘nggi jangida amerikalik Dastin Porye bilan to‘qnashuvda oyog‘ini sindirib olganidan buyon janglarda ishtirok etmadi. Ushbu bellashuvda Porye birinchi raunddayoq raqibini mag‘lubiyatga uchratgan edi.
Avvalroq, Habib Nurmagomedov O‘zbekistonda ish boshlamoqchi ekanligi va Kiril Ganning navbatdagi raqibi maʼlum bo‘lgani haqida xabar berilgandi.
Jamshidbek Amirov
