Rossiyaning yettita banki SWIFT tizimidan uzib qo’yildi
Shuningdek, mamlakatga yevro ajratish taqiqlangan.
Yevropa Ittifoqining ma’lum qilishicha, 12-martdan boshlab mamlakatning yettita banki SWIFT banklararo to‘lovlar tizimidan uzib qo‘yiladi. Bunga Rossiyaning Ukrainada maxsus harbiy operatsiyalarni boshlagani sabab bo’lgan.
Tizimdan uzilgan banklar ro’yxatiga “VTB”, “Rossiya”, “Otkritiye”, “Novikombank, “Prosmvyazbank”, “Sovkombank” hamda Rossiya taraqqiyot korporatsiyasi (sobiq “Vneshekonombank”) kiritilgan.
Shuningdek, Yevroittifoqning rasmiy jurnalida Rossiya jismoniy va yuridik shaxslaridan mahsulotlar xarid qilish, ularni yetkazib berish va eksport qilishga ham taqiqlar qo‘yilgani, davlat tuzilmalarining yevro banknotasidan foydalanishi ham cheklangani qayd etilgan.
