Ukrainalik futbolchilarga faoliyatini boshqa klublarda davom ettirish imkoniyatini berish kerak – Jan-Mishel Ola
Fransiyaning “Lion” klubi Ukraina uchun transfer oynasini ochishni taklif qilmoqda.
UEFA Fransiyaning “Lion” klubidan Ukraina jamoalari uchun maxsus transfer oynasi ochish bo‘yicha rasmiy so‘rov oldi. Bu taklif bilan jamoa prezidenti Jan-Mishel Ola chiqdi.
Uning fikricha, futbolchilar, ayniqsa, legionerlar Rossiya uyushtirgan urushdan aziyat chekmasligi kerak. Funksioner futbolchilarga faoliyatini boshqa klublarda davom ettirish imkoniyatini berishni taklif qildi.
Eslatib o‘tamiz, avvalroq "Lion" UNICEF xalqaro tashkilotiga urushdan jabr ko‘rgan ukrainaliklarga yordam sifatida 50 ming yevro ajratgan edi.
Shuningdek, bir necha kun oldin "Shaxtyor”da maxsus transfer oynasi yaratish g'oyasi ilgari surilgandi.
