Toshkentdagi moy mahsulotlari saqlanadigan omborda yong’in sodir bo’ldi
Voqea joyiga 10 ta yong’in-qutqaruv ekipaji jalb qilingan.
FVVning ma’lum qilishicha, bugun soat 20:45 da Yashnobod tumani Farg‘ona yo‘li ko‘chasida joylashgan Latviya-O‘zbekiston qo‘shma korxonasi "Orial senter" hududida joylashgan mator moy mahsulotlari (bochkalar)da yong‘in sodir bo‘layotganligi to‘g‘risida xabar kelib tushgan.
Shunga ko‘ra, 10 ta yong‘in-qutqaruv ekipaji, 3 ta maxsus va 2 ta yordamchi texnikalar zudlik bilan voqea joyiga yetib borib, soat 21:49 da yong‘in qurshab olingan. Hozirda yong‘inni bartaraf etish ishlarini olib bormoqda.
“Yong‘in oqibatida tahminan omborning 2000 metr kvadrat maydoni zararlangan”, deyiladi xabarda.
