Usik va Joshua. Revansh jang sanasi maʼlum
To‘qnashuv yozda bo‘lib o‘tadi.
Taniqli insayder Den Rafael og‘ir vazn toifasida WBA, WBO, IBF va IBO yo‘nalishlari bo‘yicha jahon chempioni Aleksandr Usik va britaniyalik Entoni Joshua o‘rtasidagi revansh jangining sanasi haqida gapirdi. Rafaelning manbalariga tayangan holda xabar berishicha, jang 23 iyul kuni bo‘lib o‘tishi mumkin.
Oldinroq, Usik va Joshua o‘rtasidagi jang iyun oyi oxirida, xususan, 25 iyun kuni bo‘lib o‘tishi mumkinligi xabar qilingandi.
Eslatib o‘tamiz, Usik va Joshua o‘rtasidagi birinchi jang “The Ring” nashriga ko‘ra 2021 yil voqeasi deb tan olingan. Qarama-qarshilik 12 raund davom etgan, shundan so‘ng hakamlar bir ovozdan ukrainalik bokschiga g‘alabani berishgandi.
Avvalroq, Murodjon Ahmadaliyev yana himoya jangini o‘tkazishi va 2021 yilning eng yaxshi boks jangi maʼlum qilingani haqida xabar berilgandi.
Jamshidbek Amirov
