Xitoydagi Afg‘oniston elchixonasi qayta ochildi
Unga "Tolibon" vakili rahbarlik qiladi.
Afg‘onistonning Pekindagi elchixonasi faoliyati tiklandi. Bu haqda "Sputnik Afganistan" xabar berdi.
Bu yerda "Tolibon" tomonidan tayinlangan elchi Sayid Muhiddin Saodat ish boshlagan. Avvalgi hukumat tomonidan tayinlangan diplomat Javid Ahmad Qayum lavozimini tark etgan. Shu bilan birga Saodat favqulodda va muxtor elchi sifatida emas, ishonchli vakil sifatida ishlaydi.
Diplomatik vakolatxona qayta ochilishi munosabati bilan qabul marosimi o‘tkazilgan. Unda Xitoyda o‘qiyotgan afg‘on talabalari, mahalliy oliy martabali amaldorlar hamda Xitoy biznes doiralari ishtirok etgan.
Saodat konsullik xizmati qaytadan ko‘rsatilishini eʼlon qilgan.
Avvalroq AQSH Afg‘onistonda 7 milliard dollardan ortiq qurollar tashlab ketgani maʼlum bo‘lgandi.
