Toshkentdan Misrga muntazam aviqatnovlar yo‘lga qo‘yilmoqda
“Uzbekistan airways” parvoz qaysi kunlari amalga oshirilishini ma’lum qildi.
Joriy yilning 7-mayidan boshlab “Uzbekistan Airways” AJ O‘zbekiston va Misr hududlari o‘rtasidagi muntazam qatnovlarni yo‘lga qo‘yadi. Bu haqda aviakompaniya matbuot xizmati xabar berdi.
Qayd etilishicha, “Toshkent – Sharm el-Shayx – Toshkent” yangi xalqaro yo‘nalishi bo‘yicha parvozlar haftada bir bir marta, shanba kunlari amalga oshiriladi.
“Chiptalarni aviakompaniyaning rasmiy saytidan, “Uzbekistan Airways Sales” filialidan yoki aviakompaniya agentlaridan xarid qilib olish mumkin”, — deyiladi xabarda.
Eslatib o‘tamiz, avvalroq joriy yilning 3-may sanasidan boshlab “Toshkent – Seul – Toshkent” xalqaro yo‘nalishi bo‘yicha aviaqatnovlar soni oshirilishi ma’lum qilingandi.
Javohirbek TURSUNOV
